Skoðaðu þjónustuna nánar

  • Sjúkraþjálfun

    Sjúklingar sem dvelja á Hótel Íslandi eiga þess kost að fá sjúkraþjálfun hjá sjúkraþjálfurum Gáska sem staðsettir eru í Heilsu og Spa á jarðhæð Ármúla 9.

    Þjónustustig er í samræmi við þarfir sjúklinga hverju sinni og skv. greiningu sjúkraþjálfara. Athygli er vakin á því að hægt er að panta tíma hjá sjúkraþjálfara án beiðni í allt að 6 skipti.

    Sjúkraþjálfunin er í höndum Gáska sjúkraþjálfun samkvæmt samningi við Sjúkratryggingar Íslands.

  • Spa

    Á jarðhæð hótelsins er frábær aðstaða til heilsuræktar og vellíðunar. Heilsa & og Spa er heilsu- og vellíðunarfyrirtæki sem býður upp á vel útbúinn tækjasal, hóptíma, nudd, snyrtistofu, sjúkraþjálfun, nálastungur og fyrsta flokks SPA. Í Spa-inu er heitur pottur, kaldur pottur, sauna og æfingalaug þar sem hægt er að fljóta undir norðurljósum og slaka vel á.

  • Líkamsrækt

    Fyrsta flokks æfingaaðstaða er í Heilsu og Spa á jarðhæð. Tækjasalur með finnskum tækjum frá HUR sem eru hljóðlát og vönduð, laus lóð, fitnessboltar, trissur og hlýlegur hótímasalur sem býður upp á fjölbreytta hóptíma.

  • Veitingastaður

    Bistro  Hótel Ísland er notalegur og fallegur veitingastaður á Hótel Íslandi. Matseldin einkennist af fyrsta flokks íslensku hráefni sem unnið er frá grunni af alúð svo úr verður besta lostæti fyrir bragðlaukana. Bistro Hotel Ísland býður upp á rétti dagsins alla daga í hádeginu og á kvöldin. Opið frá kl 11:00 – 23:00.